香園圍停車場點預約｜八達通、驗證碼、即場預約同管理預約

查位 → 點預約

香園圍邊境管制站公眾停車場只接受網上預約（一號場有位先可以即場預約）。本站只幫你掃邊個時段有位，付款、八達通同車牌一律喺威信官網處理。

7 步預約

1. 用本站查位掃出可入場時間，或直接開威信預約頁。
2. 揀一號場（私家車／電單車／傷殘許可）或二號場（客貨車）。
3. 輸入入場同離場日期時間，按「查閱可預約車位」。
4. 輸入手機同電郵收取一次性驗證碼（5 分鐘內輸入）。
5. 填車牌、進出用嘅八達通卡號（要重複確認）。藍證／灰證要上傳副本。
6. 同意條款後用 Visa 或 MasterCard 一次過付清。
7. 短訊會有預約編號。入場帶同一張八達通拍卡。

入場規則（容易中招）

• 唔可以早過預約入場時間到達，早到唔會有位。
• 一號場可遲入場 8 小時、二號場 1 小時，再遲可能放位畀人，只泊到原定離場。
• 每次預約只能進出一次。提早走不退未用時段。
• 同一車牌不能預約連續兩段。車種同預約唔符當無效、不退款。
• 週末位好快沒。想約下星期六朝，大約要喺今個星期六朝一開檔搶（提前 7 天）。

即場預約

只限一號場、視乎空位。入場報車牌、八達通、預計離場，泊好車再去繳費處付款攞收據。即場完成後不能改或取消。二號場客貨車不設即場。